ප්‍රාදේශීය ලේකම් කාර්යාලය - මාස්පොත

මාස්පොත ප්‍රාදේශීය මහ ලේකම් කොට්ඨාශය වූ කලී .........

වයඹ පළාතේ කුරුණෑගල දිස්ත්‍රික්කයට අයත් කුඩාගල්බොඩ කෝරළය නමින් හැදින්වෙන වර්ග කි.මි. 58.09ක භූමි භාගය මාස්පොත ප්‍රාදේශීය ‍‍ලේකම් කොට්ඨාසයට අයත් වේ. එය නැගෙනහිරින් යක්දෙස්සා කදුවැටියෙන් ද, බටහිරින් මගුරුඔයෙන් ද, සීමාවූ ග්‍රාම නිලධාරි වසම් 33ක් තුල පිහිටා ඇති ගම්මාන 80කින් සමන්විතවේ. ප්‍රාදේශීය ලේකම් කොට්ඨාසයේ මුළු ජනගහනය 43674කි. කොට්ඨාසයේ මුළු පවුල් සංඛ්‍යාව 12731ක් වේ. ‍ජනගහනය බහුතර සිංහල බෞද්ධයන් වන අතර ඉතාමත් සුළු සංඛ්‍යාවක් වෙනත් ජාතීන් හා ආගම් අදහන අය වේ.

මාස්ප‍ොත ප්‍රාදේශීය ලේකම් කොට්ඨාසය අන්තර මාධ්‍ය දේශගුණික ලක්ෂණ පෙන්නුම් කරන අතර කෘෂිකාර්මික අංශයට වැඩි නැඹුරුවක් දක්වයි. මෙහි ප්‍රධාන ආර්ථික භෝගය පොල් වගාව වන අතර ප්‍රධාන කෘෂිකාර්මික භෝගය වී වගාව වේ. සුළු වාරිමාර්ග හා අහස් දිය යටතේ වී වගාව සිදු කෙරේ. ප්‍රදේශවාසීන් වැඩිදෙනෙකු‍ගේ ප්‍රධාන රැකියාව ගොවිතැන වුවද වර්තමානයේ මෙම තත්ත්වය ක්‍රමයෙන් වෙනස් වෙමින් රාජ්‍ය හා පෞද්ගලික අංශයේද සේවා නියුක්තිය කෙරෙහි යොමුවන ස්වාභාවයක් දක්නට ලැබේ. මාස්පොත ප්‍ර‍ාදේශීය ලේකම් කොට්ඨාසය වයඹ පළාතේ අග නගරය වන කුරුණෑගල නගරයට ආසන්නයේ පිහිටා තිබීම හේතුවෙන් අනෙකුත් නාගරික පහසුකම් භුක්ති විදීමේ මෙන්ම කො‍ට්ඨාසයේ දරු දැරියන්ට ජනප්‍රිය පාසල්වල අධ්‍යාපනය ලැබී‍මේ අවස්ථාවද උදාවී ඇත.

අර්ධ නාගරික ප්‍රදේශයක්ව පැවති මාස්පොත ප්‍ර‍ාදේශීය ලේකම් කොට්ඨාසය තුළ දියත් වන විවිධාකාර වූ සංවර්ධන වැඩසටහන් නිසා ඉතාමත් සිඝ්‍රයෙන් නාගරික වෙමින් පවතින අතර පෞද්ගලික අංශය හා ව්‍යාපාරික ස්ථාව විශාල වශයෙන් ස්ථාපනය වෙමින් පවතී.